2018 жылдың 23 қарашасында Астана қаласы әкімдігінің "Қалалық жедел медициналық жәрдем станциясы" МКК-да үздік жедел медициналық жәрдем бригадасы атауына жарыс өткізілді.
Дәстүрге айналған бұл жарыс мамандар тарапынан үлкен жауапкершілікті талап етеді. Жарыс жол-көлік апаттары және төтенше жағдайларда зардап шеккендерге шұғыл медициналық көмек көрсетудегі жедел медициналық көмек көрсету қызметінің дайындығын жетілдіру мақсатында өткізілді.
Жарыс бағдарламасында қатысушылардың жағдаяттарда кейбір клиникалық бекеттердің өтуін тиімді шешу, мысалы анафилактикалық шок кезіндегі шұғыл көмек", " жаңа туылған сəбидің жанын сақтау", "политравма кезіндегі шұғыл көмек", ОКС - жіті коронар синдромы кезіндегі көмек көрсетуі қарастырылған.
Оқиға орнында манекендер мен арнайы науқастар қолданылды.Іс-əрекеттің үйлесуі мен жылдамдығы, білім қорытындысын құзырлы қазылар алқасы бағалады.
Жеңісті "Сарыарқа" қосалқы станциясының шығу бригадасы жеңіп алды, сондай -ақ басқа бригадаларға сертификаттар табыс етілді.