Жедел және шұғыл медициналық жәрдем қызметінің даму тарихы Астана қаласында өз жолын 1932 жылғы 14 ақпаннан бастайды, Ақмоланың 1 қалалық ауруханасының базасында жедел және шұғыл медициналық жәрдем көрсету жөніндегі бөлімше ашылды. Бірінші станция негізінен күндізгі уақытта, қалаға ат көлігімен 2 фельдшер қызмет көрсетті.

Бірінші рет, 1939 жылдың наурызында, қалада шұғыл көмек көрсету және жас босанған әйелдерді тасымалдау үшін аттылы көліктің орнына санитарлық автомобиль пайда болды, ол ат көлігін ауыстырды. Ұлы Отан Соғысы жылдары жедел жәрдем қызметі жаңа деңгейге көтерілді. Қосымша санитарлық автомобиль берілді. Қалада жергілікті эвакопункт және ЭГ № 3006 эвакогоспиталь ашылды. Көптеген жоғарғы білікті мамандар келді, олар жұмыспен қамтамасыз етілді. Дәрі-дәрмекпен қамтамасыз ету айтарлықтай жақсарды, тиісті құрал жабдықтар берілді.          

1959 жылғы 20 қаңтарда жедел жәрдем станциясына бірінші «УАЗ» санитарлық автокөлік берілді. 

1991 жылғы 1 қаңтардан бастап қалалық жедел жәрдем станциясы қайтадан дербес емдеу мекемесіне бөлінді.

Станцияның бірінші бас дәрігері болып Воля Марковна Клешня тағайындалды.

1968 жылғы 22 сәуірде станцияны В.И. Лозовой басқарды, «Волга» маркалы санитарлық көлік пайда болды. Қысқа мерзімде бас дәрігер А.И. Галузинская болды.

1972 жылғы 1 сәуірде станция бас дәрігері болып В.Н. Кеппель тағайындалды.

1991 жылғы 1 қаңтарда қалалық жедел жәрдем станциясына қайтадан дербес емдеу мекемесіне бөлінді.

Станцияны соңғы он жылдан аса Б.А. Сулейменова басқарды, жоғарғы санаттағы дәрігер, жедел жәрдем бойынша Қазақстан Республикасы Денсаулық сақтау министрлігінің бас маманы болатын.

1998 жылдан бастап астаналық мәртебесін алған кезде жедел жәрдем станциясының жаңа өркендеуі басталды.

Астананың тұрғындары және қонақтарынан  тәулік ішінде  103 пультіне шамамен 1 200 қоңырау келіп түседі. Тұрғындардың шақыруларын 7 пульт  қабылдайды. Диспетчерлік бөлімше  2003 жылдан бері «AДИС» АБЖ БК заманауи автоматтандырылған жүйесімен жабдықталған, онда шақырулар шұғыл санаттар бойынша сұрыпталады.

Нұр-Сұлтан қаласының жедел жәрдем қызметі астанамен бірге өсіп, дамып келеді. 2012 жылдың сәуір айында қалалық жедел медициналық жәрдем станциясы ISQUA халықаралық стандарттар жүйесі бойынша аккредиттеуден сәтті өтті.

2016 жылғы 10 маусымда Алматы қаласында өткен жедел жәрдем бригадаларының Республикалық жарысында ҚЖМЖС бригадасы жүлделі бірінші орынға ие болды.

2016 жылдың 14-15 қыркүйегінде Литвада өткен жедел медициналық жәрдем Халықаралық жарыстарында ҚЖМЖС бригадасы III жүлделі орынға ие болды.

2017 жылғы 25-26 мамырда Нұр-Сұлтан қаласы әкімдігінің ШЖҚ «Қалалық жедел медициналық жәрдем станциясы» МКК жедел жәрдем бригадасы «EXPO-2017» Халықаралық көрмесін өткізу шеңберінде жедел жәрдем қызметі мамандарының II Республикалық жарысында II орын алды.

Қазіргі уақытта станция жоғары білікті мамандары бар және өзінің қорында заманауи жабдықтары, дәрі-дәрмектері мен санитарлық автокөліктері бар қаланың озық емдеу-профилактикалық мекемелерінің біріне айналды.

Нұр-Сұлтан қаласының жедел медициналық жәрдем қызметін тиімді ұйымдастыруды келесідей анықтағанын атап өткен жөн:

· қызмет құрамында мамандандырылған бригадалардың болуы;

· шақыруларды қабылдауды және бригадаларды шақыруға жіберуді жүзеге асыратын диспетчерлік қызметтің нақты жұмысы;

· қосалқы станцияларды ұтымды орналастыру;

· жедел жәрдем бригадалары мен қалалық стационар дәрігерлері арасындағы науқастар мен зардап шеккендерді емдеудегі сабақтастық;

· клиникалардың ургенттігін ескере отырып, ауруханаға жатқызудың нақты жүйесі.

Астана қаласы әкімдігінің ШЖҚ «Қалалық жедел медициналық жәрдем станциясы» МКК жоғары білікті және кәсіби мамандары бар, өз қорында заманауи жабдықтары, дәрілік препараттары және санитарлық автокөлігі бар Қазақстан астанасының жетекші медициналық мекемелерінің бірі. Астана қаласы әкімдігінің ШЖҚ «Қалалық жедел медициналық жәрдем станциясы» МКК-да қаланың әртүрлі бөліктерінде орналасқан 4 қосалқы станция және 10 қосалқы станция бригадаларын орналастыру пункттері жұмыс істейді, бұл жедел медициналық көмекті уақтылы жеткізуге және көрсетуге мүмкіндік береді.

Қалалық жедел медициналық жәрдем станциясы Астана қаласының тұрғындары мен қонақтарына госпитальға дейінгі кезеңде шұғыл және жедел медициналық жәрдем көрсетуді қамтамасыз етеді.