МИССИЯСЫ

Біз, денсаулық сақтау қызметкерлерінің кәсіподағы, адалдық пен жоғары этикалық стандарттарды ұстанамыз, денсаулық сақтау саласы қызметкерлерінің лайықты еңбек жағдайларына қол жеткізу үшін өзімізге ерекше жауапкершілік артамыз, кәсіподақтардың демократиялық елде азаматтық қоғамды дамытудағы бірегей рөлін мойындаймыз, сол арқылы кәсіподақтың нәтижелі жұмысы үшін қолайлы жағдай жасап, сондай-ақ ел азаматтарының кәсіподақтарға оң көзқарасын қалыптастыра отырып, кәсіподақ мүшелерінің құқықтары мен мүдделерін тиімді қорғайтын және ілгерілететін боламыз.

ХЕҰ-ның халықаралық еңбек стандарттары, жұмыс орындарындағы іргелі қағидаттар мен құқықтар Декларациялары және ХЕҰ-ның лайықты еңбек Бағдарламасы – саламыздағы кәсіподақтар жұмысының негізі. Біз қызметкерлердің құқықтарын бірінші орынға қоямыз. Біздің кәсіподақ еңбек адамының мүддесін қорғауға, денсаулық сақтау саласындағы барлық қызметкерлердің құқықтары үшін күресуге дайын.

МАҚСАТЫ

Денсаулық сақтауды тұрақты дамыту жағдайында қызметкерлердің еңбек және  тұрмыс ахуалын жақсарту, олардың құқықтары мен мүдделерін ілгерілету.

Адам құқықтары мен кәсіподақ құқықтарын насихаттау және қорғау. Науқандар, даму жобалары, әлеуметтік желілер мен коммуникациялар арқылы тұрақты дамуға және Лайықты Еңбекке қол жеткізу мақсатында қызметкерлердің әлеуметтік-экономикалық жағдайын шешуде позитивті кешенді тәсілді көрсету. Саладағы институционалдық мүмкіндіктерді арттыру және үш жақты салалық құрылымдарды қолдау, сала қызметкерлерін қорғауды қамтамасыз ету үшін міндетті келісімдер мен ұжымдық келіссөздер жүйесін нығайту арқылы стандарттарды көтеру өте маңызды. Әлеуметтік-экономикалық жеңілдіктерді ілгерілету үшін тиімді әлеуметтік диалог қажет.